Ten 12. hoe hy vvel aenlegghen, en die Musquet ende furquet met de lincker hant houden sal, den rechter arm om hooch, en t'lijff ghedraeyt, de lincker knie buyghen, ende de rechter stijf houden, op datter niet alleen te beter staen, maer oock de Musquet des te ghevvisser gehouden, ende geschoten moechte vverden, daer beneffens moet achtinghe ghenomen vvorden vvanneer hy aenlegghen vviI, dat hy de .Musquet vvelstaens halven , hert aenslette, ende dat niet teghen de schouder maer teghen de borst, ooc niet eer de kaecke teghen de lade legghen, hy en hebbe dan de Musquet te voren teghen de borst gheset, alsoot anders gheen gratie en heeft, veel vveynigher men ghevvisselijck schieten can, maer men sich meerendeels verhaestet.